Stud : Yon pwodui riske

Fè bagay vin tankou yon konpetisyon pou anpil gason, otan yo dire sou kabann se otan sa yo santi yo djanm. Sa k vin lakòz lè yon gason pa dire sou kabann oubyen bezwen dire plis, li toujou chache yon pwodui ki pou bay kapasite l jarèt. Pami pwodui sa yo n ap jwenn : Stud. 

Kisa Stud  an ye? 

Stud 100 se yon pwodui ki genyen yon sibtans ladann yo rele : "Lidokayin". Lidokayin (Lidocaïne) lan se yon pwodui anestezyan. Lè pwodui sa rive sou pwent peni an, li redwui sansibilite l. Kidonk gason an pa twò santi mouvman rantre-sòti k ap fè andedan bouboun fi an. Lè konsa li vin dire plis. 

Menmsi pwodui sa ede anpil gason satisfè tèt yo, sa pa anpeche li ka bay pwoblèm si yo itilize l mal.

Ki pwoblèm Stud lan ka bay ?

Pwodui sa moutre li ka bay yon pil ak yon pakèt pwoblèm. Se sa k fè gen kèk peyi ki entèdi pwodui sa vann lakay yo, pa ekzanp lafrans. Men kèk pwoblèm ki posib :

• Premyèman genyen gwo risk pou yon moun alèji ak pwodui sa a. Sa k ka vin rann li malalèz lè l ap sèvi ak li. 

• Si yon moun itilize l twòp li ka koze li vinn gen yon pati nan peni an ki pèdi sansibilite l menm lè moun nan pap itilize pwodui an.

• Anplis li ka aji sou sistèm nève, sistèm kadyovaskilè jouk li mennen moun sa vè maladi tansyon. 
  
  
• Konsa tou li ka vin fè moun sa pèdi ereksyon l nèt. 

Pwodui sa moutre li ka bay yon pil ak yon pakèt pwoblèm. Se sa k fè gen kèk peyi ki entèdi pwodui sa vann lakay yo

Boutofen si toutfwa ou se yon itilizatè Stud, evite itilize l twòp. Si tout fwa ou ta santi yon pwoblèm aprè itilizasyon l pa neglije kontakte yon medsen. Konsa w ap ka pwoteje tèt ou pandan w ap pran plezi.