kapòt : Kijan pou w byen itilize l

Fè bagay se yon bèl bagay. Se yon moman plezi kote 2 moun konsanti pou yo pataje kò yo youn ak lòt. Men nan kesyon fè bagay gen anpil risk, tankou enfeksyon oubyen  gwosès, sitou si 2 moun sa yo pa pare pou sa a. Kidonk, li enpòtan pou moun k ap fè bagay yo byen itilize yon seri metòd, pou redui risk pou gwosès tonbe. Pami metòd sa yo, gen itilize kapòt. OMS moutre plis yon moun konn itlize kapòt la byen, se plis l ap redwi risk pou limenm oubyen patenè li an ansent e menm gen enfeksyon moun pran nan fè bagay. 

Kapòt: kijan pou w itilize l

Mete  kapòt lan pa difisi l, depi w kapab respekte tout etap ki rekòmande yo, w ap rive fè sa. 

1. Chire  pochèt kapòt la. Pa itilize sizo, dan , ni okenn bagay ki kapab pete kapòt la.
2. Retire kapòt la nan pochèt li avèk prekosyon, pou li pa chire ni pete ak zong ou.
3. Tann peni w byen bande pou w mete kapòt la sou pwent li, epi asire w ou kapab dewoule kapòt la desann. Si w pa kapab dewoule l konnen ou mete l nan move sans
4.  Pandan w ap dewoule kapòt la, asire w peze pwen li ak 2 dwèt ou. Pou w kapab retire lè ki andedan l
5.  Dewoule kapòt la, jouk li kouvri tout kò peni w

Ou dwe retire kapòt la imedyatman aprè w fin voye. Ou pa dwe kite peni w debande e w dwe kenbe baz kapòt la ak men w pou l pa soti. Depi w fin retire kapòt la, ou dwe mare l avan w jete l.  

Kijan pou asire w li byen mete ?

• Yon kapòt ki byen mete pap glise sòti e l ap rete anplas depi peni byen bande
• Yon kapòt ki byen mete ap dewoule sou peni an san pliye.
• Pwent yon kapòt ki byen mete pap gen lè ladann 

⛔ Yon kapòt pa itilize 2 fwa. Se pou rezon sa ou dwe chanje kapòt aprè chak moman. Menmsi se yon ti pòz ou pran e w potko ejakile, ou dwe ranplase kapòt ou t ap itilize a.

Eske w ka mete 2 kapòt? 

Anpil fwa, yo mete 2 kapòt paske moun yo konn panse sa kapab anpeche fi an ansent. Pa gen okenn enterè pou w mete 2 kapòt, okontrè li ka plis koze kapòt yo pete.

Jeneralman kapòt lan pa deranje dewoulman aksyon an. Men konn gen yon seri moun ki alèji ak matyè yo kontwi kapòt l ap itilize an. Nan ka sa, li oblije konsilte yon spesyalis. Men depi yon moun byen aplike metòd ki di anlè yo, li dwe redwi risk ki gen nan fè bagay yo.