Tande se yon kapasite anpil nan nou genyen ki fasilite lavi nou nan sosyete an. Malerezman se yon kapasite ki pa difisil pou pèdi. Menmsi lasyans dakò otan w ap granmou se otan kapasite pou w tande ap redwui, yo dakò tou gen seri abitid ki redwui kapasite pou w tande. Nan lis abitid sa yo, w ap jwenn "tande mizik fò".
Lasyans dakò otan w ap granmou se otan kapasite pou w tande ak redwui, yo dakò tou gen seri abitid ki redwui kapasite pou w tande
Plis Teknoloji, plis risk
Pandan yon epòk, sèlman sa nou te genyen pou nou tande sete ti zwazo k ap chante, van k ap souke fèy bwa yo, elatriye... Avèk avanse teknolojik yo, nou vin ap tande anpil lòt son k ap sòti toupatou e nou vin genyen yon seri aparèy ki pwodui son nan tout nivo. Nan mitan aparèy teknoloji pote nan lavi nou yo, w ap vinn jwenn yon kategori ki ka pran kas, konsa nou vin kapab lage son an dirèkman andedan zòrey nou. Sa k vin ekpoze nou plis ak son ki twò fò, e ki ogmante risk pou nou pèdi tande nou.
Selil yo: Premye responsab
Andedan zorèy nou genyen yon seri selil. Eben selil sa yo la pou yo kenbe son yo ki vini sou fòm vibrasyon aprè sa voye yo bay sèvo w. Pi gwo defo selil sa yo, sèke yo pa danse kole ak son ki twò fò. Otomatikman ou bay selil sa yo son ki twò fò, genyen nan yo ki mouri. Sa k vinn rann nivo tande w ap diminye jiskaske w pèdi l nèt.
Otomatikman ou bay selil sa yo son ki twò fò, genyen nan yo ki mouri.
Kidonk lapwochèn fwa w ap tande mizik nan kas oubyen nan yon gwo baf bese volim lan. Konsa w ap ka tande mizik pandan plis ane nan lavi w.
Commentaires (0)
Connectez-vous pour laisser un commentaire.